Kombëtarja U18 e vajzave të Kosovës ka përmbyllur paraqitjen në kualifikimet zonale të CEV U18, me ndeshjen ndaj Malit të Zi, e cila përfundoi me rezultat 3:0 (25:9, 25:22, 25:17).

“Edhe në këtë takim u vërejt progres në lojë, sidomos në setin e dytë (22–25), ku ekipi tregoi më shumë stabilitet, luftë dhe organizim në fushë.

Vlen të theksohet se Kombëtarja U18 e Kosovës ishte e dominuar nga volejbollistet shumë të reja, kryesisht të moshave 14 dhe 15-vjeçare, të cilat për herë të parë po përballeshin me një nivel të tillë gare ndërkombëtare.

Kjo e bën këtë përvojë edhe më të vlefshme, duke krijuar një bazë të rëndësishme për të ardhmen.

Ky cikël shërbeu si një hap i rëndësishëm zhvillimor, ku nga ndeshja në ndeshje u pa ngritje e performancës dhe përmirësim i komponimit të skuadrës, elemente kyçe për ndërtimin e gjeneratave të ardhshme të volejbollit të vajzave në Kosovë”, ka njoftuar FVK.

Burimi: botasot.info