Kosova arriti një fitore historike ndaj Sllovenisë me rezultatin 0:2, duke siguruar “play-off”-in e Botërorit 2026, ndërkohë në aspektin matematikor, ekziston një hipotezë e çmendur, që “Dardanët” të synojnë vendin e parë, edhe pse në praktikë kemi të bëjmë me një… mision i pamundur.
Përfaqësuesja e Franko Fodës, ndodhet në pozita thuajse të njëjta me Italinë dhe Turqinë.
Të kaltërve të Gatuzos i duhet të mposhtin me 9 gola diferencë Norvegjinë, për t’i rrëmbyer vendin e parë!
Turqia duhet të mposhtë me 7 gola diferencë Spanjën, për ta mbyllur grupin në vendin e parë, ndërkohë që Kosova duhet të triumfojë me 6 gola diferencë ndaj Zvicrës, për t’i parakaluar në renditje helvetët.
Hipoteza këto në kufijtë ekstreme të çmendurive!
Burimi: botasot.info
