Komuna e Çairit organizoi edhe këtë vit Marshin Përkujtimor dhe ceremoninë e homazheve me rastin e shënimit të Ditës së Përkujtimit të gjenocidit në Srebrenicë, duke vazhduar traditën e nderimit të viktimave të një prej ngjarjeve më tragjike në historinë e Evropës bashkëkohore.
Marshi përkujtimor nisi nga objekti i Komunës së Çairit dhe vazhdoi drejt Memorialit të Srebrenicës në Parkun e Çairit, ku u mbajt ceremonia qendrore dhe u vendosën kurora me lule në nderim të viktimave të gjenocidit.
Në aktivitet morën pjesë Zëvendëskryeministri Bekim Sali, Kryetari i Këshillit të Komunës së Çairit, Muhamed Murtezi, deputetja Merita Koxhaxhiku, përfaqësues të institucioneve shtetërore dhe lokale, organizatave civile, si dhe qytetarë të shumtë.
Në fjalën e tij, Kryetari i Këshillit të Komunës së Çairit, Muhamed Murtezi, theksoi se ruajtja e kujtesës për Srebrenicën është përgjegjësi e përbashkët dhe se nderimi i viktimave mbetet një detyrim moral e institucional, duke rikujtuar se kujtesa historike duhet të mbetet pjesë e ndërgjegjes sonë kolektive dhe e brezave që vijnë.
Komuna e Çairit do të vazhdojë ta shënojë tradicionalisht këtë ditë, duke ruajtur kujtesën për viktimat e Srebrenicës dhe duke promovuar vlerat e dinjitetit, kujtesës dhe respektit ndaj viktimave të gjenocidit. Siç theksohet në kumtesë në fjalën e tij, Kryetari i Këshillit të Komunës së Çairit, Muhamed Murtezi, theksoi se ruajtja e kujtesës për Srebrenicën është përgjegjësi e përbashkët dhe se nderimi i viktimave mbetet një detyrim moral e institucional, duke rikujtuar se kujtesa historike duhet të mbetet pjesë e ndërgjegjes sonë kolektive dhe e brezave që vijnë. “Komuna e Çairit do të vazhdojë ta shënojë tradicionalisht këtë ditë, duke ruajtur kujtesën për viktimat e Srebrenicës dhe duke promovuar vlerat e dinjitetit, kujtesës dhe respektit ndaj viktimave të gjenocidit”, njoftojnë nga Komuna.
Burimi: lajmpress.org
