1
Kërçovë, 28 qershor – Para disa ditësh, kanë filluar punimet për rikonstruimin e rrugës “Rudniçka” të qytetit të Kërçovës, ku paraprakisht është intervenuar në rrjetin e vjetëruar të ujësjellësit dhe kanalizimit të ujërave fekal.
Faza e parë e këtij projekti të financuar nga Banka Botërore dhe komuna e Kërçovës, pritet të përfundojë brenda dy muajve të ardhshëm.
“Para dy javësh kanë filluar punimet për ndërtimin e rrugës “Rudniçka”, njëra ndër rrugët më të frekuentuara të qytetit të Kërçovës. Rikonstruimi i kësaj rruge, është vazhdimësi e investimeve në infrastrukturën rrugore me mjetet e Bankës Botërore që kapin shumën prej 1 milion e 200 mijë eurosh”, – thotë kreu i komunës së Kërçovës Fatmir Dehari.
“Para se të fillojnë punimet për ndërtimin e këtij bulevardi modern, ka qenë i domosdoshëm rikonstruimi i sistemit të ujësjellësit dhe kanalizimit të vjetëruar të ujërave fekal, nënvizon Dehari, duke shtuar se faza e parë e këtij projekti, do të realizohet brenda dy muajve të ardhshëm.
Burimi: zhurnal.mk
