Tetovë, 17 shtator – Kandidati i koalicionit VLEN, për komunën e Tetovës, Bilall Kasami, ka njoftuar se ka qëndruar sonte në malësinë e Tetovës, më saktësisht në fshatin Gajre.

“Sërish në malësinë e Tetovës. Sonte qëndruam në Gajre, për një kafe e bisedë të sinqertë me banorët e këtij fshati të dashur.

Biseduam hapur për hallet e përditshme të tyre, por edhe për shpresat dhe vizionin që kemi për Tetovën tonë.

Malësia e Tetovës na mëson për qëndrueshmëri e forcë, pikërisht këto që na duhen neve për të ecur përpara.

Me 19 tetor është dita jonë. Bashkë, si një familje, do ta nisim kapitullin e dytë për Tetovën, që ta bëjmë më të fortë dhe më krenare”, ka shkruar Kasami.

Burimi: zhurnal.mk