Një person është shoqëruar në stacionin policor në Gjakovë, pasi gjatë kontrollit të veturës së tij është gjetur dhe sekuestruar një armë zjarri dhe municion.
Sipas raportit të Policisë, rasti ka ndodhur më 15 nëntor, rreth orës 09:00, në fshatin Brovinë të Gjakovës, transmeton “Bota sot”.
Gjatë kontrollit të automjetit të të dyshuarit, mashkull shtetas i Kosovës, zyrtarët policorë kanë gjetur një pushkë gjuetie dhe dhjetë fishekë, të cilat janë sekuestruar si prova materiale.
Pas shoqërimit në stacionin policor, i dyshuari është intervistuar nga organet kompetente lidhur me rastin.
Me vendim të prokurorit, pas intervistimit, rasti është proceduar në procedurë të rregullt, ndërsa hetimet lidhur me posedimin e armës dhe municionit do të vazhdojnë sipas procedurave ligjore.
Burimi: botasot.info


