Jennifer Lopez u vu në hije nga motra e saj më e vogël, Lynda Lopez, teksa të dyja tërhoqën vëmendjen me fustanet e tyre gjatë largimit nga restoranti italian Gigi në Paris të Francës, të enjten.
Lynda Lopez, 55 vjeçe, gazetare fituese e çmimit Emmy në Nju Jork, e cila zakonisht vishet me stil më konservator, kësaj radhe guxoi me një fustan të zi me prerje të theksuara që nxirrte në pah dekoltenë dhe zbulonte pjesë të trupit, ijeve dhe këmbëve.
Ndërkohë, diva e muzikës pop e nominuar për çmimin Grammy, Jennifer Lopez, e cila më 24 korrik mbush 57 vjeç, ekspozoi këmbët me një fustan transparent me qafë halter, të zbukuruar me rruaza ngjyrë nude. Ajo e kompletoi pamjen me një shall të bardhë me pupla dhe një çantë dore të përshtatshme, të përzgjedhura nga stilistët Rob Zangardi dhe Mariel Haenn.
Parukierja Justine Marjan ia kishte mbledhur flokët në një topuz të rregullt, ndërsa grimeri Rokael Lizama realizoi një grim të theksuar që i dha fytyrës së saj një pamje të lëmuar.
Motrat me origjinë nga Bronxi kanë qenë të pranishme në rreshtin e parë të disa prej sfilatave të Javës së Modës Haute Couture Vjeshtë/Dimër në Paris gjatë kësaj jave.
Daily Mail ka kontaktuar përfaqësuesit e Jennifer Lopez për një koment, por deri në momentin e publikimit nuk kishte marrë përgjigje.
Burimi: botasot.info
