Jennifer Lopez dhe Brett Goldstein janë çift? Ja çfarë dimë për romancën e përfolur

Jennifer Lopez dhe Brett Goldstein janë protagonistët e komedisë romantike Office Romance, por kimia që shfaqën në ekran duket se mund të ketë vazhduar edhe jashtë xhirimeve. Sipas një burimi të cituar nga Page Six, dy aktorët po frekuentohen, megjithëse për momentin lidhja e tyre do të ishte pa angazhime serioze.

Jennifer Lopez, 57 vjeçe, dhe Brett Goldstein, 46, tërhoqën vëmendjen e publikut në rolet e Jackie-t dhe Daniel-it në Office Romance, filmi i drejtuar nga Ol Parker dhe publikuar këtë vit në Netflix.

Në film, Jackie drejton kompaninë me dorë të hekurt dhe ka vendosur një rregull të panegociueshëm: asnjë marrëdhënie sentimentale mes kolegëve. Por ardhja e Daniel-it, një avokat simpatik dhe i përkushtuar ndaj punës, e vë në provë pikërisht politikën që ajo vetë ka krijuar.

Edhe pse përpiqen t’i rezistojnë tërheqjes së ndërsjellë, të dy përfundojnë duke nisur një marrëdhënie të fshehtë, të vendosur të mbrojnë karrierat e tyre.

Një histori që, me sa duket, ka gjetur një pasqyrim të çuditshëm edhe në jetën reale.

Kimia që nuk kaloi pa u vënë re
Gjatë promovimit të filmit, nga tapeti i kuq te intervistat, talk show-t dhe lojërat e zhvilluara në rrjetet sociale, Lopez dhe Goldstein janë pyetur disa herë nëse mes tyre kishte diçka më shumë sesa një marrëdhënie profesionale.

Kimia dukej e dukshme si në ekran, ashtu edhe në daljet publike. Megjithatë, të dy kanë ditur gjithmonë t’u shmangen pyetjeve, herë duke i mohuar zërat dhe herë duke u përgjigjur me humor.

“Nuk ndodh asnjëherë që të dal me dikë apo të punoj me dikë pa u përpjekur njerëzit të më lidhin me të”, kishte thënë Jennifer Lopez.

Por gjatë një paraqitjeje në programin e Andy Cohen, këngëtarja dhe aktorja bëri një deklaratë që nuk kaloi pa u vënë re.

“Sapo xhirova një film me Brett Goldstein dhe do të thosha se ai ka qenë puthësi më i mirë”, u shpreh ajo.

Kur komenti i saj iu përcoll Goldstein-it, përgjigjja e tij ishte po aq entuziaste:

“Ta dëgjoja atë duke thënë diçka të tillë ishte më mirë sesa të fitoja një Emmy. Puthjes së saj do t’i jepja 12 nga 10.”

Brett Goldstein njeh çdo detaj të karrierës së JLo

Aktori nuk e ka fshehur asnjëherë admirimin për Jennifer Lopez dhe duket se e njeh shumë mirë karrierën e saj.

Gjatë një loje të titulluar JLo Trivia, ai iu përgjigj saktë çdo pyetjeje, nga rolet e para të këngëtares deri te origjina dhe momentet më të rëndësishme të karrierës së saj.

Një vëmendje ndaj detajeve që, natyrisht, vetëm sa ka shtuar dyshimet e publikut.

Të dy rezultojnë gjithashtu beqarë.

Jennifer Lopez u nda nga Ben Affleck pas dy vitesh martesë, ndërsa e vetmja marrëdhënie publike e njohur e Brett Goldstein ka qenë ajo me aktoren Beth Rylance, në vitin 2021.

Janë parë duke mbërritur dhe larguar me të njëjtën makinë
Sipas një burimi të cituar nga Page Six, Lopez dhe Goldstein po frekuentohen, por marrëdhënia e tyre do të ishte ende “pa angazhime”.

Më 16 tetor, ata thuhet se u panë duke mbërritur dhe më pas duke u larguar me të njëjtën makinë nga një festë e organizuar prej një menaxheri talentesh në Los Angeles.

Megjithatë, të dy hynë veçmas në event, duke shmangur një paraqitje të përbashkët.

“A kanë diçka të përbashkët? Të dyve u pëlqen të shkojnë në festa dhe në restorante”, ka thënë burimi.

Më pas ai shtoi edhe një koment thumbues për ish-bashkëshortin e Lopez:

“Ndryshe nga Ben Affleck, i cili dukej gjithmonë i vrenjtur kur dilnin bashkë.”

Për momentin, Jennifer Lopez dhe Brett Goldstein nuk kanë konfirmuar asgjë publikisht.

Por komplimentet e ndërsjella, daljet së bashku dhe kimia që shfaqën gjatë promovimit të filmit vazhdojnë të ushqejnë zërat.

Në Office Romance, Jackie dhe Daniel duhet ta mbajnë të fshehtë lidhjen e tyre për të mos rrezikuar jetën profesionale. Nëse raportimet janë të vërteta, realiteti po ndjek një skenar çuditërisht të ngjashëm: një tërheqje e vështirë për t’u fshehur dhe një marrëdhënie që, të paktën tani për tani, preferon të qëndrojë larg vëmendjes.

Në stilin e përsosur të një komedie romantike.