Këngëtarja e famshme amerikane, Janet Jackson, ka tërhequr vëmendjen me paraqitjen e saj në ceremoninë e 27-të të ndarjes së çmimeve “Latin Grammy”, e mbajtur në Las Vegas.
Në moshën 60-vjeçare, ylli i muzikës është shfaqur me një pamje elegante dhe rinore, duke mahnitur të pranishmit në tapetin e kuq.
Jackson kishte zgjedhur një kostum ngjyrë vjollcë nga marka Luar, me xhaketë të strukturuar, supe të theksuara dhe bel të theksuar, të kombinuar me pantallona të gjera në të njëjtën ngjyrë.
Vëmendje mori edhe modeli i ri i flokëve, një prerje bob me nuanca të çelëta dhe fije bionde, që i jepnin një pamje të freskët.
Paraqitja e saj vjen pas ndryshimit të dukshëm në fizikun e këngëtares, e cila raportohet se ka humbur rreth 27 kilogramë gjatë viteve të fundit.
Por Janet nuk ishte e pranishme vetëm për të shkëlqyer në tapetin e kuq. Ajo pati edhe një rol të veçantë në ceremoninë muzikore, ku ndau çmimin “Person of the Year” për këngëtarin e njohur të reggaetonit, Daddy Yankee.
Dy artistët kanë bashkëpunuar edhe më herët, në vitin 2018, për këngën “Made for Now”.
Pas ceremonisë, Daddy Yankee e falënderoi publikisht Janet-in, duke vlerësuar ndikimin dhe miqësinë e tyre.
Ndërkohë, këngëtarja pritet të rikthehet në skenë në dhjetor, me një koncert të veçantë në Florida, për të shënuar 40-vjetorin e albumit të saj të suksesshëm “Control”.
Burimi: botasot.info
