Ish-ylli i Barcelonës, Vitor Roque, rrezikon të përballet me një periudhë të gjatë jashtë fushës në muajt në vijim.
Kjo vjen si pasojë e një postimi kontrovers në rrjetet sociale që sulmuesi publikoi muajin e kaluar.
Postimi në fjalë, i publikuar në Instagramin zyrtar të Roque, tregonte një foto të një tigri që po hante një dre.
Kjo u interpretua nga shumë njerëz si një fyerje ndaj São Paulos, pasi fjala “dre” përdoret shpesh si zhargon për “gay”, me qëllim për të tallur tifozët e klubit.
Postimi i Roques, i cili u fshi shpejt, erdhi menjëherë pasi Palmeiras i mposhti rivalët e tyre të Brasileiros me rezultat 3-2.
Sipas një raporti të “COPE”, megjithatë, fshirja e postimit mund të mos mjaftojë që i riu të shmangë një dënim:
“Gjykata e Lartë e Drejtësisë Sportive ka caktuar gjykimin e sulmuesit të Palmeiras, Vitor Roque, për të hënën e ardhshme, 17 nëntor”, është konfirmuar.
Nëse shpallet fajtor për homofobi, Roque mund të përballet me një pezullim nga 5 deri në 10 ndeshje.
Një dënim i tillë do të ishte një goditje e rëndë për lojtarin, i cili po kalon një formë të jashtëzakonshme, që së fundmi kulmoi edhe me rikthimin e tij në kombëtaren braziliane.
Burimi: botasot.info
