Mbështetja për kandidatin e VLEN-it në Çair, Izet Mexhiti, po merr përmasa gjithnjë e më të mëdha. Së fundmi, rradhëve të tij iu bashkuan edhe ish-ushtarët e Ushtrisë Çlirimtare Kombëtare: Suad Bushi, Gani Bushi dhe Islam Aliu.

Në një reagim të tij, Suad Bushi theksoi figurën e Mexhitit jo vetëm si lider politik, por edhe si njeri me vlera të larta.

“Izet Baba është emri që sot e thërrasim me dashuri e respekt, sepse për ne nuk është vetëm një udhëheqës politik, por edhe një njeri i afërt, i mençur dhe i përkushtuar për popullin. Ai është zëri i së vërtetës, kujdestari i brezave dhe drita e shpresës për të ardhmen.”

Ky bashkim shihet si një sinjal i fuqishëm se VLEN-i po fiton gjithnjë e më shumë mbështetje në prag të zgjedhjeve të 19 tetorit, duke e bërë kandidaturën e Izet Mexhitit edhe më të konsoliduar në komunën e Çairit.