Interi hedh sytë nga Sasuolo, një mbrojtës në radarët zikaltër

Interi po ndjek me vëmendje Tarik Muharemoviç, një nga mbrojtësit më premtues të Sasuolos. I ri, me një pagë të përballueshme dhe i aftë të luajë si në qendër të mbrojtjes ashtu edhe në krahun e majtë, boshnjaku po fiton gjithnjë e më shumë vlerësim në ambientin zikaltër.

Drejtuesit e Interit po mendojnë një lëvizje që në merkaton e janarit, si për të paraprirë konkurrencën e klubeve të tjera, ashtu edhe për shkak të situatës së Stefan De Vraj.

Mbrojtësi holandez ka gjetur pak hapësira në rotacionet e Kristian Kivut dhe po vlerëson largimin për të pasur më shumë minuta në prag të Botërorit të verës.

Vetëm në rast të largimit të De Vraj, Interi do të tentojë konkretisht afrimin e Muharemoviç, duke investuar te një profil i ri dhe perspektivë për të ardhmen.