Viti i ri dhe 1 janari ishin të trishta për një fëmijë të moshës dy vjeçare i cili u lëndua në kokë nga predha e armës së zjarrit. Fëmija me urgjencë është dërguar në Klinikën e Traumatologjisë pas orës 3 të mëngjesit. Për momentin ende nuk është e qartë se në çfarë rrethanash ka ndodhur incidenti dhe nuk dihet as identiteti as gjinia i fëmijës.
“Fëmijë dy vjeçar me të dhëna të panjohura personale është pranuar në mjekim intenziv me predhë në kokë nga një armë zjarri. Nuk kemi informacione për ngjarjen se çfarë ka ndodhur por ka ndodhur gjatë një festimi. Fëmija është sjellë rreth orës 03-04 të mëngjesit dhe ndodhet në rrezik për jeten”, deklaroi Igor Merxhanoski – Drejtor i Klinikës Traumatologjike.
Ministri i Brendshëm Pançe Toshkovski e konfirmoi rastin dhe e quajti si ndër rastet më të rënda që ndodhën gjatë festimit të ndërrimit të motmoteve. As Toshkovski nuk precizoi si ka ndodhur rasti.
“Bëhet fjalë për fragment metali i cili për momentin nuk mundemi ta specifikojmë në detaje por sapo të kemi më tepër informacione do t’i ndajmë me publikun. Ka më tepër teori për atë se si ka ndodhur lëndimi i fëmijës. Sapo t’i vërtetojmë saktë shkaqet për këtë lëndim të rëndë do ta njoftojmë opinionin”, deklaroi Pançe Toshkovski – Ministër i Brendshëm.
Në urgjencën e Shkupit me lëndime nga arma e zjarrit ka përfunduar edhe një shkupjan i cili paraprakisht ishte plagosur në Prilep. /Alsat.mk
