Aktorja e njohur amerikane Hayden Panettiere dyshohet se ka humbur jetën pasi konsumoi një pilulë oksikodoni që besohet se ishte e përzier me fentanil, sipas raportimeve të reja të mediave amerikane.
Panettiere, e njohur për rolet e saj në serialet “Heroes” dhe “Nashville”, vdiq më 16 gusht në moshën 36-vjeçare, pasi u gjet pa ndjenja dhe në arrest kardiak në një banesë në Greenville, Karolina e Jugut. Përpjekjet e ekipeve mjekësore për ta reanimuar nuk patën sukses.
Sipas burimeve të zbatimit të ligjit të cituara nga TMZ, hetuesit besojnë se Panettiere kishte marrë një pilulë oksikodoni në mëngjesin e ditës kur vdiq dhe dyshohet se ajo përmbante një dozë vdekjeprurëse fentanili. Autoritetet po hetojnë edhe një person në Los Angeles, i cili dyshohet se i siguronte aktores barna me recetë në tregun e zi.
Hetimi tashmë shtrihet mes Los Angelesit dhe Karolinës së Jugut, ndërsa autoritetet po përpiqen të përcaktojnë se cilat substanca kanë luajtur rol në vdekjen e aktores dhe nga kanë ardhur ato.
Megjithatë, shkaku zyrtar i vdekjes ende nuk është konfirmuar, pasi rezultatet e plota toksikologjike janë ende në pritje. Autopsia nuk ka evidentuar shenja traume fizike që do të shpjegonin vdekjen.
Panettiere ishte bërë e njohur që në fëmijëri dhe gjatë karrierës së saj u nominua dy herë për Golden Globe. Ajo la pas vajzën e saj, Kaya.
Burimi: botasot.info
