SV Hamburg dhuroi spektakël të dielën duke mposhtur 4:0 Mainzin, në atë që u konsiderua si ndeshja më e mirë e tyre që nga rikthimi në Bundesliga këtë verë pas shtatë vitesh mungesë.
Albert Sambi Lokonga dhe Rayan Philippe shënuan dy gola të shpejtë në minutat e para, ndërsa Jean-Luc Dompé dhe Philippe me golin e dytë vulosën një fitore bindëse që ngriti moralin e skuadrës.
Me këtë rezultat, Hamburgu ngjitet në vendin e nëntë me shtatë pikë nga tre ndeshjet e fundit.
VfB Stuttgart reagoi pas zhgënjimit në Europa League, duke mposhtur minimalisht 1-0 Heidenheimin me një gol të Bilal El Khannouss në minutën e 65-të.
Ky ishte suksesi i tretë radhazi në kampionat për Stuttgartin, që ngjitet në vendin e katërt dhe regjistron tre fitore në shtëpi pa pësuar gol – një arritje e parë që nga sezoni i artë 1991-92.
Ende pa fitore në Gladbach
Në ndeshjen tjetër të ditës, Borussia Mönchengladbach dhe Freiburg ndanë pikët pas një barazimi pa gola në BORUSSIA-PARK. Gladbach mbetet ende pa fitore në këtë sezon, ndërsa Freiburg vazhdon serinë pozitive, duke shënuar gjashtë ndeshje radhazi pa humbje në të gjitha kompeticionet.
Burimi: botasot.info
