Veprimtari Halil Geci ka reaguar ashpër ndaj zhvillimeve të fundit politike në vend, duke akuzuar opozitën për papërgjegjësi dhe bllokadë institucionale.
Në një postim publik, ai shkruan se “një grusht opozitarësh” po sfidojnë 60 për qind të qytetarëve, duke e shndërruar procesin e zgjedhjes së presidentit në krizë institucionale.
Sipas Gecit, në një kohë kur bota përballet me kriza globale, Kosova nuk duhet të mbetet peng i përplasjeve politike të brendshme. Ai ka bërë thirrje për dialog, kompromis dhe unitet politik, duke theksuar se vendi ka nevojë për përgjegjësi dhe stabilitet, e jo për bllokada që dëmtojnë interesin publik.
Postimi i plotë:
NJË GRUSHT OPOZITARËSH KUNDËR 60% TË QYTETARËVE
Opozita po luan me fatin e shtetit, duke bërë politikë të papërgjegjshme në kohë krize globale dhe duke vendosur ambicjet personale mbi interesat kombëtare.
Në një kohë kur bota po përballet me kriza dhe konflikte të mëdha, Kosova vazhdon të mbetet e bllokuar nga mosmarrëveshjet politike të brendshme.
Procesi për zgjedhjen e presidentit po shndërrohet në një krizë institucionale, ku një grup i vogël opozitar po sfidon vullnetin e shumicës së qytetarëve, të shprehur përmes votës demokratike.
Në vend të dialogut dhe kompromisit, po shohim përplasje politike që rrezikojnë stabilitetin e shtetit. Kosova ka nevojë për unitet, përgjegjësi dhe maturi politike, jo për bllokada që dëmtojnë interesin publik.
Zgjidhja e problemeve kërkon bashkëpunim, jo përçarje.
Burimi: botasot.info
