Pasi një gazetar u vendos në një grup komunikimit të zyrtarëve të lartë Amerikanë në Signal, Pentagoni lëshoi një paralajmërim kundër përdorimit të aplikacionit për shkak të sulmeve të shumta me phishing.
“Një dobësi është identifikuar në aplikacionin Signal,” thuhej në një e-mail të departamentit raportuar nga NPR. “Grupe hakerësh Rusë po sulmojnë pajisjet me Signal për të përgjuar bisedat e enkriptuara.”
Direktiva e Pentagonit pason një skandal që, të paktën në epokat e mëparshme, do t’i kishte dhënë fund karrierës së një liste të gjatë zyrtarësh të profilit të lartë.
Kryeredaktori i The Atlantic Jeffrey Goldberg raportoi ditën e Hënë se një grup zyrtarësh të lartë të sigurisë kombëtare e kishin ftuar gabimisht në një grup në Signal ku diskutonin për sulmet ushtarake në Jemen.
Në këtë grup ishin Sekretari i Mbrojtjes Pete Hegseth, Zëvendës Presidenti JD Vance, Këshilltari i Sigurisë Kombëtare Michael Waltz, Sekretari i Shtetit Marco Rubio, Drejtori i Inteligjencës Tulsi Gabbard, Drejtori i CIA-s John Ratcliffe dhe Zëvendës Shefi i Shtabit të Shtëpisë së Bardhë Stephen Miller.
Një memo e Departamentit të Mbrojtjes të vitit 2023 ndalonte përdorimin e aplikacioneve celulare edhe për “informacione të paklasifikuara të kontrolluara”. NPR vëren se planifikimi ushtarak është shumë shkallë më i ndjeshëm se kaq. /PCWorld Albanian
BURIMI: PCWORLD.AL
