Hailey Baldwin Bieber ka mohuar se ka rishpërndarë një video virale në rrjetet sociale, në të cilën ajo përshkruhej si një “bashkë-varëse tolerante” që është martuar me një “të varur abuziv dhe mediokër”, duke iu referuar bashkëshortit të saj, Justin Bieber.
Megjithatë, disa llogari në rrjete sociale kanë pretenduar se disponojnë prova, përfshirë pamje të ekranit, që sipas tyre tregojnë se videoja është rishpërndarë nga llogaria e Hailey Bieber në TikTok dhe më pas është fshirë.
Videoja në fjalë u publikua të enjten e kaluar nga përdoruesja e TikTok-ut me emrin @bdr3391, e cila deklaroi se shumë marrëdhënie afatgjata që shoqëria i romantizon dhe i lavdëron funksionojnë vetëm sepse, sipas saj, gratë pranojnë të jenë tolerante dhe bashkë-varëse.
“Sipas këtij koncepti, toleranca nënkupton pranimin e mediokritetit, abuzimit dhe barrës së shumicës së punëve shtëpiake dhe emocionale, vetëm për të qenë në një marrëdhënie. Kjo është një marrëveshje nga e cila unë po tërhiqem”, shprehet ajo në video, duke shtuar se “nuk ka shembull më të mirë se Hailey Bieber dhe Justin Bieber”.
Burimi: botasot.info
