Grimsby Town aktivizoi një lojtar të pafederuar në ndeshjen e “Carabao Cup” ku eliminoi me penallti Manchetser United.
Skuadra në fjalë aktivizoi Clarke Oduor, të cilin e kishte federuar një minutë pas mesnatës të ditës përpara ndeshjes të luajtur në “Blundell Park”.
Oduor i mori vendin George McEachran në të 73’, por në atë ndeshje nuk duhej të luante pasi ai do të mund të ishte një opsion për trajnerin e ekipit të League Two vetëm nëse do të ishte regjistruar dy ditë më parë.
Për këtë keqkuptim Federata e Futbollit vendosi që ta penalizonte ekipin e Grimsby Town me një gjobë prej 20.000 mijë stërlinash. Ndërsa po sot u mësua se United nuk ka ndër mend që të apelojë këtë vendim të Federatës së Futbollit duke mos kërkuar që riluhet ndeshja.
Burimi: botasot.info
