Drejtori i Agjencisë për Zbatimin e Gjuhës, Granit Osmani, ka reaguar ashpër ndaj propagandës së BDI-së opozitare, të cilën e akuzon për shpifje dhe manipulim të opinionit publik.
Në një postim në Facebook, Osmani ka shpërndarë një grafik të BDI-së me mbishkrimin “FAKE NEWS”, duke theksuar se ndërkohë që opozita mundohet të krijojë huti tek shqiptarët, qeveria VLEN po punon me rezultate konkrete.
“Ju me shpifje, ne me vepra!”, ka shkruar Osmani, duke publikuar të dhëna për punësimet e shqiptarëve në institucione të ndryshme shtetërore si HEC Oslome, HEC Vërtok, sektorin e energjetikës, Postën e Maqedonisë së Veriut dhe Ministrinë e Ekonomisë, ku janë të punësuar dhjetëra shqiptarë falë angazhimit të qeverisë VLEN.
