Këshilltar nga kabineti i kryeministrit Hristijan Mickoski përmendet në lidhjet afariste mes personave dhe kompanive që kanë investuar në tokë në zonën “Barutana” në Vodno, ku planifikohet ndërtimi i objekteve luksoze. Informacionet bazohen në një hulumtim të “Sloboden Peçat”.
Sipas hulumtimit, në rrjetin e pronësisë dhe biznesit shfaqen kompani të lidhura me familjen Kostovski, si dhe biznesmenët Goran Krstev dhe Robert Noveski. Disa prej kompanive kanë blerë parcela në “Barutana” në të njëjtën ditë, në shtator të vitit 2023.
Dy parcela janë blerë nga “Energo Maksistem”, në pronësi të Sanja Kostovskës, ndërsa nga një parcelë kanë blerë “International Group” dhe “Ensof Kapital”. Mes këtyre kompanive raportohen edhe lidhje të tjera të përbashkëta biznesi.
Megjithatë, në informacionet e publikuara nuk pretendohet se vetë këto lidhje biznesi përbëjnë veprimtari të paligjshme. Vestimak
“VestiMak” / “Sloboden Peçat”
Burimi: lajmpress.org
