“Çdo premtim e kthen në vepër”, me këto fjalë banorët e rrugës 157 në lagjen Gazi Babë e pritën kandidatin e VLEN-it për kryetar të Komunës së Çairit, Izet Mexhiti.
Mexhiti ndoqi nga afër punimet që po zhvillohen me intensitet të lartë për zëvendësimin e kanalizimit atmosferik dhe vendosjen e ujësjellësit të ri. Ky projekt do t’i shërbejë rreth 90 familjeve të lagjes, ndërsa përfshin edhe asfaltim dhe ndriçim publik modern.
Banorët shprehën mirënjohjen e tyre për investimin, duke theksuar se për herë të parë ndihen se problemet e tyre po marrin zgjidhje konkrete.
