68 milionë tonë rrënoja mbulojnë Rripin e Gazës sot, mbi dy vjet nga shpërthimi i konfliktit me Izraelin të nxitur prej sulmit brutal të Hamasit 7 tetorin e vitit 2023.
Nga ofensiva hakmarrëse e shtetit hebre llogaritet të jenë dëmtuar apo shkatërruar rreth dy të tretat e të gjitha shtëpive. Në Qytetin e Gazës dhe Rafah shifra është edhe më e lartë. Administrata e re e Përkohshme për Rripin e Gazës zhvilloi takimin e saj të parë.
“Palestinezët mezi prisnin themelimin e këtij komiteti dhe fillimin e punës së tij”, tha kreu i komitetit, Ali Shaath, pas takimit në Kajro. Enklava ishte qeverisur për gati dy dekada nga grupi militant islamikHamas. Grupi terrorist militant islamik Hamas dhe Autoriteti Autonom Palestinez ranë dakord tre ditë më parë mbi përbërjen e organit teknokratik me 15 anëtarë palestinezë.
Në një intervistë me median shtetërore egjiptiane Shaathi tha se dëshiron të përqendrohet së pari në rindërtimin e infrastrukturës dhe të ekonomisë. Sipas tij, kjo mund të zgjasë për rreth tre vjet, teksa theksi do të vendoset në mënyrë të vecantë te ndërtimi i banesave të reja. Shumë persona të zhvendosur në territor ende jetojnë në cadra.
Tani po diskutohen mënyrat e pastrimit të inerteve. Deklarata e Shaathit se mbetjet e rrënojave mund të hidhen me buldozer në det u prit me skepticizëm si në Gazë ashtu edhe në Izrael. Një problem të veçantë përbëjnë municionet e pashpërthyera, pasi ndërlikojnë përpjekjet për pastrim. Organizata e Kombeve të Bashkuara i vlerëson kostot e rindërtimit në rreth 50 miliardë dollare, ndërsa procesi sipas saj mund të zgjasë deri në vitin 2040.
Top Channel
Burimi: top channel
