Gattuso surprizon: Daniel Maldini në fushë, Zaccagni në tribuna

Daniel Maldini zëvendëson Mattia Zaccagnin në përfaqësuesen e Italisë për ndeshjen kundër Izraelit, kështu që anësori i Lazios do ta ndjekë ndeshjen nga tribuna së bashku me Marco Carnesecchi, Giovanni Leonin dhe Giovanni Fabbianin.

Gattuso ka publikuar listën përfundimtare të skuadrës për ndeshjen kualifikuese të Kupës së Botës ndaj Izraelit, që luhet sonte, të hënën, më 8 shtator 2025.

Sipas TMW, Zaccagni, Carnesecchi, Leoni dhe Fabbian nuk do të jenë as në pankinë sonte.

Zaccagni ishte titullar në ndeshjen e kaluar kundër Estonisë, por tani është zëvendësuar nga Maldini, i cili të premten kishte mbetur jashtë.

Ndërkohë, Leoni, Carnesecchi dhe Fabbian kishin mbetur jashtë edhe në ndeshjen e javës së kaluar kundër Estonisë.

Italia e nisi epokën e Gattusos me një fitore 5-0 javën e kaluar, por sonte i pret një tjetër ndeshje vendimtare, pasi tre pikët do t’i mundësonin “Azzurrëve” të kapin Izraelin në pozitën e dytë të Grupit I.

Gattuso pritet të zgjedhë formacionin 4-3-3, me Giacomo Raspadorin ose Moise Kean si titullarë në krahun e majtë të sulmit.