Kryetari i komunës së Çairit, Visar Ganiu, në 24 vjetorin e Masakrës së Lubotenit, ka deklaruar se në përvjetorin e 24-të të masakrës së Lubotenit kujtojnë me dhimbje 10 civilët e pafajshëm, të vrarë mizorisht në vitin 2001.
“Në përvjetorin e 24-të të masakrës së Lubotenit kujtojmë me dhimbje 10 civilët e pafajshëm, të vrarë mizorisht në vitin 2001. Varret e tyre mbeten dëshmi e një tragjedie që nuk shuhet kurrë nga kujtesa historike.
Takimet me familjarët dhe banorët e fshatit rikujtojnë detyrimin tonë moral për të nderuar sakrificën e tyre.
Kujtesa e Lubotenit është një thirrje e përhershme për dinjitet, qëndresë dhe drejtësi”, ka deklaruar Ganiu, i cili së bashku me liderët e koalicionit VLEN sot kanë bërë homazhe tek varrezat e dëshmorëve në Luboten.
Burimi: botasot.info
