Flamurtari do të rikthehet të luajë në Kategorinë Superiore mbrëmjen e sotme ku do të përballet me Elbasanin.
Verdheblutë do të presin ekipin vlonjat në “Elbasan Arena” në orën 20:00.
Por përpara se të dalë në fushë, Flamurtari pak më parë ka prezantuar dhe fanellën e dytë për sezonin 2025/26. Legjenda e kuqezinjve dhe njëkohësisht drejtori i tyre, Alfred Ferko, është imazhi i cili ka veshur uniformën e dytë të sezonit të ri.
Në partneritet me brandin e njohur Adidas, Flamurtari do të luajë me fanellë të bardhë me një dizanj të veçantë në ndeshjet jashtë shtëpisë.
Burimi: botasot.info
