Deputetja Fitore Pacolli ka bërë të ditur se, pas injorimit të urdhrit të Inspektoratit të Ministrisë së Mjedisit për ndërprerjen e menjëhershme të veprimtarisë, është kryer një inspektim i radhës në restorantin “Liqeni i Dukagjinit”, me asistencën e Policisë së Kosovës.
Sipas saj, pronari i restorantit ka vazhduar punën pavarësisht vendimit për mbyllje.
Për këtë arsye, ndaj tij është iniciuar procedurë penale për vazhdim të kundërligjshëm të operimit.
Pacolli ka theksuar se vendimet e institucioneve shtetërore duhet të respektohen nga të gjithë.
Ajo ka deklaruar se ujërat dhe prona publike e Kosovës nuk mund të degradohen për interesa private. Në fund, ajo ka theksuar se sundimi i ligjit dhe mbrojtja e natyrës mbeten pa kompromis.
Postimi i plotë:
Pasi u injorua urdhri i prerë i Inspektoratit të Ministrisë së Mjedisit për ndërprerjen e menjëhershme të veprimtarisë, sot, me asistencë të Policisë së Kosovës, është kryer një inspektim i radhës në restorantin “Liqeni i Dukagjinit”.
Për shkak të refuzimit për të zbatuar vendimin për mbyllje dhe vazhdimit të kundërligjshëm të punës është iniciuar procedurë penale ndaj pronarit të restorantit për vazhdim të kundërligjshëm të operimit.
Shteti dhe vendimet e institucioneve nuk mund të sfidohen nga askush!
Ujërat dhe prona publike e Kosovës nuk mund të degradohen për interesa private, prandaj sundimi i ligjit dhe mbrojtja e natyrës mbeten pa kompromis!
Burimi: botasot.info
