Ferizaj ka shënuar një fitore të rëndësishme në xhiron e pestë të Ligës Gjergj Kastrioti në volejboll, duke mposhtur Skënderbeun nga Korça me rezultat 3:1 (25:18, 22:25, 25:21, 25:21) dhe duke bërë një hap të madh drejt ndjekjes së liderit të grupit.
Pas një seti të parë të fituar bindshëm, Skënderbeu reagoi dhe barazoi rezultatin.
Megjithatë, ferizajaset u rikthyen fuqishëm në dy setet e fundit, ku me lojë më të qëndrueshme dhe efikase siguruan tri pikë të plota.
Me këtë fitore, Ferizaj forcon pozitat në Grupin B dhe vazhdon garën për kreun, ku lider mbetet rivali nga i njëjti qytet, Fer Volley.
Burimi: botasot.info
