FC Shkupi ka marrë pikën e parë në këtë edicion të kampionatit, pas një barazimi 1:1 ndaj Rabotniçkit, në ndeshjen e vlefshme për xhiron e 9-të të elites. Skuadra bardhekaltër kaloi e para në epërsi falë golit të realizuar nga Shuku, duke ngritur shpresat për fitoren e parë sezonale. Megjithatë, në minutën e 61-të, Adem barazoi rezultatin për Rabotniçkin, duke vulosur rezultatin përfundimtar të takimit. Në një tjetër përballje të kësaj xhiroje, Brera Strumica dhe Bashkimi i Kumanovës ndanë pikët me rezultat 1:1. Nxenge realizoi për vendasit nga pika e bardhë e penalltisë, ndërsa Avornio u përgjigj për skuadrën mysafire, duke vulosur shifrat e barabarta. Ndërkohë xhiroja e 9-të vazhdon të dielën me takimet Sileksi – Tikveshi Vardari – Struga. Kjo xhiro mbyllet të hënën, aty ku në Manastir Pelisteri do të luaj me Shkëndijën. /SHENJA/