Eva Longoria ka shijuar një ditë me diell në plazhin e Marbellës, në Spanjë, ku tërhoqi vëmendjen me pamjen e saj verore.
Aktorja 51-vjeçare u shfaq me bikini blu elektrike, duke kaluar kohë me miqtë.
Ajo e kompletoi dukjen me një këmishë linoje ngjyrë bezhë, të cilën e mbajti të hapur, si dhe me syze dielli të zeza dhe një kapele me strehë të gjerë, shkruan DailyMail.
Longoria u zhvendos në Spanjë dy vite më parë së bashku me bashkëshortin José Bastón dhe djalin e tyre tetëvjeçar, Sebastian.
Familja tashmë e ndan kohën mes Meksikës dhe Spanjës.
Aktorja ka treguar më herët se Andaluzia e ka tërhequr prej vitesh, pasi e ka vizituar rajonin për rreth 20 vjet.
Dashuria e saj për Spanjën u bë gjithashtu frymëzim për serialin “Në kërkim të Spanjës”, i cili u shfaq premierë në CNN vitin e kaluar.
Burimi: botasot.info
