Presidenti i SHBA-së, Donald Trump, tha të premten se Microsoft duhet të shkarkojë Lisa Monaco, një zëvendësprokurore të përgjithshme në administratën Biden, të cilën gjigandi i teknologjisë e punësoi së fundmi.
Kërkesa e Trump për shkarkimin e Monaco është një tjetër shembull i fushatës hakmarrëse të presidentit republikan kundër ish-zyrtarëve të administratës Obama dhe Biden, të cilët ai i akuzon për “gjueti shtrigash” kundër tij.
“Unë besoj se Microsoft duhet ta ndërpresë menjëherë kontratën e punës së Lisa Monaco-s”, theksoi Trump në një postim në platformën Truth Social, duke e përshkruar ish-zëvendësprokuroren e përgjithshme 57-vjeçare si “të korruptuar”.
Microsoft ka punësuar Monacon për të drejtuar çështjet ndërkombëtare dhe, siç thekson Presidenti Trump, ajo do të trajtojë informacione shumë të ndjeshme. “Ajo përbën një rrezik për sigurinë kombëtare të Shteteve të Bashkuara, veçanërisht duke pasur parasysh kontratat midis Microsoft dhe qeverisë amerikane”, pohoi Donald Trump.
Akuzat për pengim të drejtësisë dhe deklarata të rreme u ngritën të enjten kundër ish-drejtorit të FBI-së James Comey (2013-2017), një veprim i mirëpritur nga presidenti i SHBA-së.
Gjatë mandatit të tij të parë në Shtëpinë e Bardhë, Trump e kishte shkarkuar Comey-n ndërsa FBI-ja po hetonte ndërhyrjen e mundshme ruse në fushatën zgjedhore të vitit 2016.
Top Channel
Burimi: top channel
