Presidenti i Turqisë, Rexhep Tajip Erdogan ka folur edhe një herë për negociatat për situatën në Gaza, duke thënë se Izraeli mbetet pengesa kryesore për paqen.
“Paqja nuk është një zog me një krah të vetëm. Vendosja e gjithë barrës së paqes mbi Hamasin dhe palestinezët nuk është një qasje e drejtë, korrekte apo realiste”, tha ai, duke folur para ligjvënësve nga Partia e tij për Drejtësi dhe Zhvillim.
“Izraeli duhet të ndalojë bombardimin e Gazës”, shtoi Erdogan.
Izraeli ka ndaluar vetëm “disa bombardime” pavarësisht thirrjeve të Presidentit Donald Trump për të ndaluar plotësisht sulmet ajrore, siç kërkohet nga plani i tij i paqes.
Më herët sot, Erdogan u tha gazetarëve në një fluturim nga Azerbajxhani për në Turqi se qeveria e tij po bisedonte me Hamasin me urdhër të Trump, për t’i bindur ata për qasjen më të mirë ndaj të ardhmes së territoreve palestineze.
Burimi: opinion.al
