Trajneri i Paris Saint-Germain, Luis Enrique, ka vlerësuar qëndrueshmërinë e skuadrës së tij pas fitores 2-1 ndaj Barcelonës në Ligën e Kampionëve.
PSG përmbysi disavantazhin e golit të shënuar nga Ferran Torres, me Senny Mayulu që barazoi në minutën e 38-të dhe Goncalo Ramos që shënoi golin e fitores në fund të takimit.
“Ishte një ndeshje e shkëlqyer, sidomos pjesa e dytë ku ishim më të mirë,” tha Enrique, duke lavdëruar paraqitjen e Nuno Mendes dhe debutuesit Mayulu.
Pavarësisht mungesës së lojtarëve të rëndësishëm si Marquinhos, Dembele dhe Kvaratskhelia, PSG siguroi një fitore të madhe në Barcelonë.
“Ky rezultat është i rëndësishëm për vetëbesimin tonë,” shtoi trajneri spanjoll.
Burimi: botasot.info
