Këshilli i Lartë i Prokurorisë thërret mbledhje sot në orën 12:00, për të diskutuar për drejtorin e ri të Byrosë Kombëtare të Hetimit.
Gazetarja e Top Channel Anila Hoxha raporton se sot mbledhja e thirrur është në dhomë këshillimi dhe me dyer të mbyllura dhe veç anëtarëve janë njoftuar të jenë të pranishëm edhe përfaqësuesit amerikanë të Opdate.
Sot nuk do ketë vendim për emrin e shefit të Bkh por diskutim mbas qëndrimeve mbi renditjen dhe sugjerimin e SPAK që i nisi javën e kaluar KLP emrin e Jon Ketës për drejtor të ri.
Por pavarësisht se tre prokurorët Altin Dumani dhe Arben Kraja me votë kundër Behar Dibrën kanë propozuar Jon Ketën për drejtorin e ri të BKH anëtarët përpara se të votojnë do shqyrtojnë pikët qe kanë marrë gjatë garës edhe të tjerët si dhe kushtet formale.
Anëtarët e KLP sot pritet qe të vendosin datën se kur do të votojnë për drejtorin e ri dhe po ashtu do të diskutojnë mbi pikët dhe kushtet formale.
Top Channel
Burimi: top-channel.tv
