Ekipi olimpik i Kosovës parakaloi me numër të madh sportistësh

Me ceremoninë e organizuar në Palestrën Jane Sandanski të Shkupit u hap edicioni i 18-të i Festivalit Olimpik Evropian për të Rinj (EYOF) Shkupi 2025.

“Ekipi olimpik i Kosovës parakaloi me numër të madh sportistësh, trajnerësh dhe zyrtarësh, derisa flamurmbajtës ishin atleti Amar Maxhuni dhe notarja Joana Jasiqi.

Në hapje, të pranishmëve, kryesisht sportistë dhe drejtues të shtetit maqedon dhe Komtiteteve Olimpike Kombëtare, iu drejtua i pari i Komitetit Olimpik të Evropës, Spyros Capralos, i cili përgëzoi Maqedoninë e Veriut për organizimin dhe iu uroi fat dhe suksese sportistëve.

Të pranishëm në hapje ishin edhe presidenti i KOK-ut, Ismet Krasniqi dhe sekretari i përgjithshëm, Besim Aliti.

Garat mbahen deri më 26 korrik, ndërsa krahas qytetit të Shkupit, edhe Kumanova e Maqedonisë së Veriut dhe Osijeku i Kroacisë janë bashkëorganizatore.

Në Osijek u mbajt ceremoni e veçantë me sportin e gjimnastikës, ku morën pjesë edhe ekipi ynë i gjimnastëve”, njofton KOK-u.