Mbrëmë ndodhi turpi i madh në palestrën e sportit “Shani Nushi” në Gjakovë.
Ndihmëstrajneri i Bashkimit të Prizrenit, Bledar Gjeçaj, u godit me shishe në kokë nga një huligan.
Sipas Federatës së basketbollit të Kosovës, më këtë rast janë arrestuar dy persona.
“Federata e Basketbollit e Kosovës posedon pamjet filmike të incidentit, ndërsa Policia e Kosovës ka konfirmuar se dy persona janë arrestuar për tentim sulmi.
Personi që ka hedhur shishen është identifikuar dhe priten veprime të mëtejme ligjore ndaj tij”, thuhet nga FBK.
Ky është rasti i dytë brenda pak ditëve në basketbollin tonë, pasi që më parë basketbollisti Dardan Berisha është goditur me shkrepës në kokë në Prizren nga një huligan.
Brenda pak ditëve, dy skandale në basketbollin e Kosovës.
Burimi: botasot.info
