Dy dekada traditë dhe krenari e KB Junior 06! Ramushi Rushiti shpreh optimizmin 

Klubi i basketbollit Junior 06 nga Prizreni sot ka shënuar 20 vjetorin e themelimit.

Dy dekada që nuk munguan rezultatet e sukseset për këtë ekip sidomos me kategoritë e reja.

Njeriu kryesor i këtij klubi, Ramush Rushiti, aktualisht trajner, ka ambicie të mëdha. 

Rushiti mburret me ecurinë e klubit të tij veçmas me 20 vjetorin e themelimit.

“Sot shënojmë 20 vjetorin e themelimit të Klubit të Basketbollit Junior 06.

Që nga viti 2006, Junior 06 ka qenë më shumë se një klub sportiv,  ka qenë institucion i formimit, disiplinës dhe përkushtimit. Për dy dekada me radhë kemi ndërtuar jo vetëm lojtarë, por karakter dhe vlera që zgjasin gjithë jetën.

Ky përvjetor është meritë e çdo lojtari që veshi fanellën kuq e bardhë, çdo trajneri që udhëhoqi me përgjegjësi, çdo prindi që besoi dhe çdo mbështetësi që qëndroi pranë nesh ndër vite.

Me respekt për rrugëtimin tonë dhe me besim të plotë në të ardhmen, vazhdojmë përpara me të njëjtin pasion dhe përkushtim.

Dy dekada traditë dhe krenari”, thuhet nga klubi.