dosja e belinda ballukut spak demtoi buxhetin e shtetit 5 miliarde leke 6afb471db442f

Dosja e Belinda Ballukut, SPAK: Dëmtoi buxhetin e shtetit 5 miliardë lekë

November 16, 2026
1 minut lexim

Mbi 5 miliardë lekë është dëmi ekonomik që dyshohet se i është shkaktuar buxhetit të shtetit nga 10 procedura tenderimi, të cilat kanë qene objekt i hetimeve të SPAK ndaj ish-zëvendëskryeministres Belinda Balluku dhe personave të tjerë të përfshirë në këtë çështje.

Prokuroria e Posaçme ka përfunduar hetimet dhe ka depozituar në gjykatë kërkesën për gjykimin e dosjes penale. Shifra e dëmit ekonomik u bë publike nga prokurorët e çështjes gjatë një komunikimi informal me gazetarët.

Kreu i SPAK, Klodian Braho së bashku me dy prokurorët e çështjes, Dritan Prençi dhe Dorina Bejko dhanë detaje mbi përfundimin e hetimeve dhe dërgimin e dosjes për gjykim.

Prokurori Dritan Prençi konfirmoi se kërkesa për gjykimin e çështjes ndaj Belinda Ballukut është depozituar në Gjykatën e Posaçme.

Në këtë dosje, ish-zëvendëskryeministrja është marrë e pandehur së bashku me 25 persona fizikë dhe dy persona juridikë, ndërsa hetimet kanë përfshirë në total 10 procedura tenderimi.

Akuzat

Kujtojmë që më 20 tetor 2026, SPAK i komunikoi Ballukut pesë akuza që lidhen me disa procedura tenderimi dhe pasuri të paluajtshme.

Ajo akuzohet për: Shkeljen e barazisë së pjesëmarrësve në tendera apo ankande publike, në bashkëpunim, në nëntë raste, korrupsion pasiv të personave që ushtrojnë funksione publike, korrupsion pasiv të funksionarëve të lartë shtetërorë, mosdeklarim fshehje ose deklarim të rremë të pasurisë në dy raste, pastrim të produkteve të veprës penale ose veprimtarisë kriminale në lidhje me dy pasuri të paluajtshme, akuzat për tenderat përfshijnë procedurën e ndërtimit të tunelit të Llogarasë si dhe disa procedura të tjera publike, mes tyre edhe lote të Unazës së Madhe në Tiranë.

Dy vila luksoze te sekuestruara

Po ashtu, Belinda Ballukut i janë sekuestruar edhe dy vila luksozë në zonën e Dhërmiut dhe Palasës.

SPAK ka ngritur dyshime për pastrim parash lidhur me këto prona, të cilat dyshohet se janë regjistruar në emër të ish-futbollistit Igli Tare.

Në këtë pjesë të hetimit përmendet edhe biznesmeni Arbër Abazi, ndërsa prokuroria dyshon për lidhje mes përfitimeve të paligjshme nga procedurat publike dhe investimeve në pasuri të paluajtshme.

Burimi: botasot.info

VERO

EVN MACEDONIA

MATINA DENTAL CLINIC

AUTO SHKOLLA BEKO

lista studentore publikon programin e saj politik kosova eshte pjese e serbise 6afb46c0c699a
Lajmi i mëparshëm

Lista Studentore publikon programin e saj politik: “Kosova është pjesë e Serbisë”

qeveria e re serbe planifikon referendum per anetaresimin ne be 6afb475798626
Lajmi i radhës

Qeveria e re serbe planifikon referendum për anëtarësimin në BE

Të fundit nga

ShkoLartë