Superylli slloven Luka Doncic hyri në historinë e NBA-së si basketbollisti më i ri që ka shënuar 1,500 gjuajtje për tre pikë në karrierën e tij në NBA.
Doncic i udhëhoqi Los Angeles Lakers drejt një fitoreje në udhëtim kundër ish-klubit të tij, Dallas, të cilin Lakers e mposhtën me rezultatin 116:110. Me tri gjuajtje për tre pikë, ai arriti shifrën e pabesueshme prej 1,500 gjuajtjeve jashtë vijës së 7.24 metrave.
Slloveni u frymëzua sërish veçanërisht kundër ish-klubit të tij, i cili e kishte larguar duke e cilësuar si “shumë të shëndoshë dhe të papërgatitur”. Ai shënoi 33 pikë, dhuroi 11 asistime dhe regjistroi tetë kërcime.
LeBron James dhe Rui Hachimura patën paraqitje të mira për Lakers, me nga 17 pikë dhe tetë kërcime secili, ndërsa LeBron shtoi edhe pesë asistime.
Në radhët e Dallasit, më i dalluari ishte Max Christie me 24 pikë, ndërsa Naji Marshall regjistroi një triple-double me 21 pikë dhe 11 ribaunde.
Ndërkohë, Doncic po i afrohet gjithnjë e më shumë hyrjes në listën e 50 gjuajtësve më të mirë për tre pikë në historinë e ligës, pasi Jayson Tatum, Patty Mills dhe Eddie Jones ndodhen në vendin e 50-të me 1,546 gjuajtje për tre pikë.
Në vendin e parë të kësaj liste qëndron Stephen Curry me 4,214 gjuajtje për tre pikë të realizuara.
Rezultatet:
Orlando – Cleveland 105:119
Chicago – Boston 114:111
Dallas – LA Lakers 110:116
Utah – Miami 116:147
Burimi: botasot.info
