Google ka zbuluar dizajnin zyrtar të Pixel 10 Pro përmes një klipi të shkurtër, pak ditë para lansimit të serisë Pixel 10 më 20 gusht.
Klipi tregon siluetën e numrit 10 që transformohet në ishullin e kamerës dhe më pas në formën e telefonit.
Pjesa e pasme e Pixel 10 Pro është zbuluar plotësisht në këtë video.
Google nuk ka dhënë ende detaje të tjera për pajisjen, por ka njoftuar për një ofertë ekskluzive për abonentët që regjistrohen deri më 19 gusht.
Seria pritet të përfshijë edhe modelet Pixel 10, Pixel 10 Pro XL dhe Pixel 10 Pro Fold.
Ndërkohë, janë publikuar disa specifika të rrjedhura për këto modele.
Burimi: botasot.info
