Në javët e fundit, ka pasur shumë diskutime mbi planet e La Ligas për të zhvilluar një ndeshje midis Barcelonës dhe Villarrealit në Miami.
Federata Spanjolle e Futbollit tashmë ka dhënë miratimin, ndërsa në vijim do të varet nga UEFA dhe FIFA nëse kjo ndeshje mund të luhet në Shtetet e Bashkuara të Amerikës.
Reagimet ndaj lajmit kanë qenë të shumta, disa edhe mjaft negative.
Megjithatë, presidenti i La Ligas, Javier Tebas, është i bindur se Barcelona dhe Villarreal do të luajnë në Miami në dhjetor.
Të shtunën, trajneri i Atletico Madrid, Diego Simeone, u pyet për këtë çështje dhe, sipas Diario AS, ai u përgjigj në stilin e tij tipik.
“Do t’ju them çfarë ndodh në jetë. Vazhdimisht shqetësohemi për gjëra që mund të ndodhin, dhe përfundimisht lodhemi për gjëra që në fakt nuk ndodhin”.
“Kur mendon se diçka do të ndodhë, zakonisht ndodh vetëm 20 për qind të rasteve. Prandaj, do të përqendrohemi te ajo që kemi sot”, ka thënë Simeone.
Atleticoja vetë është e njohur me Shtetet e Bashkuara, pasi ka luajtur atje në Kupën e Botës për Klube më herët këtë verë.
Por, intriguese është se ata vetë mund të kishin luajtur në SHBA me Barcelonën, pasi ishte propozuar që ndeshja e tyre para pauzës dimërore të zhvillohej në Miami, por në atë rast, La Liga nuk arriti të finalizonte marrëveshjen.
Burimi: botasot.info
