Aktorja 63-vjeçare mahnit me paraqitjen elegante në ceremoninë e WWD Style Awards, duke folur edhe për evolucionin e stilit të saj ndër vite.
Demi Moore është shfaqur mahnitëse me një fustan mini argjendi pa rripa, teksa ka marrë çmimin “Fashion Icon Award” nga revista prestigjioze WWD.
Aktorja 63-vjeçare ka pozuar për një set fotografik për publikimin, e veshur me fustanin ngushtë pas trupit, i cili ishte i zbukuruar me detaje me temina shkëlqyese. Ajo e kishte kompletuar dukjen me geta të zeza transparente dhe vathë të gjatë argjendi, duke reflektuar elegancë dhe stil të rafinuar.
Në një paraqitje tjetër, Moore është fotografuar e mbështjellë me një pallto të zezë prej gëzofi artificial, ndërsa pozonte pranë qenushes së saj të dashur chihuahua, Pilaf.
Revista WWD e ka nderuar Demi Moore me këtë çmim gjatë WWD Style Awards, të mbajtura të premten, më 9 janar, në Los Angeles, duke shënuar edhe fillimin e fundjavës së Golden Globes.
Duke folur për ndryshimet e stilit të saj ndër vite, aktorja u shpreh se procesi ka qenë i natyrshëm dhe i lidhur me vetë-zbulimin personal.
“Mendoj se kur jemi më të rinj, gjithçka është një kombinim i të gjeturit të vetes, ndaj ka shumë prova dhe gabime”, tha Moore.
Burimi: botasot.info
