Ndërsa popullariteti i ekraneve 4K e madje 8K është rritur në mënyrë të konsiderueshme, sot në CES 2025, HDMI Forum prezantoi zyrtarisht versionin 2.2 të HDMI.
Ndërsa forma e lidhësit dhe aftësitë e tij të përgjithshme mbeten të pandryshuara, përditësimi i madh për HDMI 2.2 është se tani mbështet bandwidth deri në 96Gbps.
Si rezultat do të jetë shumë më e lehtë dërgimi i përmbajtjeve me frekuencë dhe rezolucione të larta në ekrane të suportuara për tu siguruar se përmbajtjet duken sa më mirë të jetë e mundur.
Së bashku me bandwidth e shtuar, HDMI Forum gjithashtu lançoi kabllot e reja Ultra96 HDMI të cilët janë pjesë e procesit të certifikimit të organizatës për të ndihmuar konsumatorët të identifikojnë më mirë çfarë kablli HDMI po blejnë.
Forumit thotë se testim do të kërkohet për gjatësinë e secilit model dhe të kërkohet që të shfaqin një etiketë certifikimi në vetë kabllin. Risi e HDMI 2.2 është edhe gjenerata e re e Fixed Rate Link, teknologjisë së sinjalizimit e cila tani është dizajnuar për të mbështetur përmbajtje të pakompresuara në rezolucionet 4K60 ose më lart.
Gjithashtu është përfshirë edhe një Protokoll i ri i Tregut të Vonesës (LIP) që duhet të përmirësojë sinkronizimin audio dhe data veçanërisht gjatë përdorimit të disa pajisjeve.
Specifikimi i plotë i HDMI 2.x do të publikohet në gjysmën e parë të 2025 dhe të mbërrijë rreth kësaj periudhe tek tregjet. /PCWorld Albanian
BURIMI: PCWORLD.AL
