Një video që tregon boksieren 24-vjeçare ruse Anastasia Lutskina duke i dhënë një cigare elektronike një orangutangu në një park në Krime ka shkaktuar zemërim.
Videoja tregon boksieren e re fillimisht duke pirë duhan vetë dhe më pas duke ia dhënë cigaren elektronike kafshës, e cila pa dyshuar e thith tymin.
Sipas mediave ruse, pas këtij akti, orangutangi shfaqi “sjellje problematike”. Kafsha, e quajtur Dana, e vetmja e këtij lloji në Krime, thuhet se ka humbur gjithashtu oreksin, refuzon të bashkëjetojë me kafshë të tjera dhe “qëndron në vend gjithë ditën”.
🦧💨 MMA fighter Anastasia Luchkina was caught on video giving a vape to an orangutan at Taigan Park in Crimea.#Viral #Orangutan #Vaping #News pic.twitter.com/yZbh42DhdB
— Breaking News Today (@Trenddetailnews) June 30, 2025
Madje ekziston frika se ajo ka gëlltitur një fishek cigareje elektronike që përmbante 2.5-3 ml nikotinë të lëngshme.
Dana është një specie e mbrojtur orangutangësh që përfshihet në Listën e Kuqe të Specieve të Kërcënuara të IUCN-së
I pyetur në lidhje me lëvizjen e 24-vjeçares, trajneri i saj, Vladimir Akatov, deklaroi se “Nuk e dija që ajo pinte duhan. Ajo është me pushime tani, por kur të kthehet, patjetër do të diskutojmë sjelljen e saj”.
Siç pritej, akti i 24-vjeçares ruse shkaktoi një mori komentesh negative në rrjetet sociale: “Ajo duhet të arrestohet dhe të dënohet me burgim të përjetshëm për atë që i bëri kafshës së pafajshme”, “brezi i budallenjve”, “ajo duhet të ndëshkohet rëndë për aktin e saj”.
“Lutchina duhet të ketë probleme me trutë nëse mendon se është qesharake t’i japësh një orangutangi një cigare elektronike…” komentoi nënkryetarja e PETA UK, Mimi Bekeki.
Burimi: botasot.info
