Kurti para takimit me Hamzën: Përpjekje që javën e ardhshme të kurorëzohet gjithçka me sukses
Kryeministri i Kosovës, Albin Kurti para takimit me kreun e Partisë Demokratike të Kosovës, Bedri Hamza tha se po shkojnë në këtë takim për të maksimalizuar përpjekjet që javën e ardhshme ‘gjithçka’ të kurorëzohet me sukses.
“Po shkojmë në takim për ta vazhduar dhe maksimalizuar përpjekjet, në mënyrë që javën e ardhshme gjithçka të kurorëzohet me sukses”, tha kryeministri Albin Kurti para takimit me kreun e Partisë Demokratike të Kosovës, Bedri Hamzën.
Takimi Kurti – Hamza është paraparë të nis në orën 16:00.
Çka po ndodh? Hamza në Kuvend për takim me Kurtin rreth çështjes së Presidentit
Kryetari i Partisë Demokratike të Kosovës, Bedri Hamza është paraqitur sot në Kuvendin e Kosovës për të diskutuar me kryeministrin Albin Kurti mbi procesin e zgjedhjes së presidentit.
Hamza tha se do të diskutojnë “tema aktuale politike”.
Takimi është paraparë të mbahet me fillim nga ora 16:00.
Derisa, siç njoftoi anëtari i kësaj partie, Blerand Stavileci, sot gjatë mbledhjes së partisë janë diskutuar parimet dhe qëndrimet për këtë çështje, pa shqyrtuar emra konkretë.
Stavileci theksoi se fokus kryesor mbetet stabiliteti shtetëror, baraspesha institucionale dhe fryma konsistente e partisë në vendimmarrje.
Burimi: botasot.info
