Profesori Enver Bytyçi ka reaguar pas vendimit të futbollistit Bujar Pllana për t’u larguar nga Kombëtarja e Kosovës dhe për t’iu bashkuar Shqipërisë.
Bytyçi e cilësoi këtë veprim si të gabuar, duke theksuar se Kosova ka nevojë jetike për kualifikim në Kampionatin Botëror, pasi sipas tij, pjesëmarrja do të forconte njohjen ndërkombëtare të shtetit. Ai shtoi se Shqipëria tashmë është e konsoliduar dhe nuk ka të njëjtën nevojë për përfitime të tilla.
Megjithatë, ai uroi që të dyja kombëtaret, Kosova dhe Shqipëria, të arrijnë kualifikimin, duke shprehur optimizëm për suksesin e tyre.
Reagimi i Bytyçit:
Futbollisti i Kosovës, Bujar Pllana, la vendin e tij dhe erdhi në kombëtaren e Shqipërisë, me qëllim fitoren në ndeshjen e së enjtes në Poloni. Uroj me shpirt që të fitojnë të dy kombëtaret tona. Por Kosova nuk lihet për ta forcuar Shqipërinë. Nëse ndonjë vend e ka nevojë jetike pjesmarrjen në kampionatin botëror të qershorit të këtij viti, ky vend është Kosova. Pjasmarrja e saj në kampionatin botëror në SHBA e bën Kosovën automatikisht të njuhur ndërkombëtarisht dhe moralisht të denjë për shtetësinë e saj. Shqipëria është e njohur dhe nuk ka nevojë për benefite të tilla.
Por paska edhe naivë ose interesaxhinj në Kombëtaren e Kosovës. Bujar Pllana ndoshta nuk ka vetëdijen e duhur të gjykojë këtë që thashë. Por duhet të ketë pasur njerëz të mençur, të cilët t’ia kenë thënë. Veprimi i tij është shumë i gabuar. Kjo kritikë nuk ka të bëjë me atë se Shqipëria të rrezikohet. Por, nëse do të duhet të zgjedhim midis Shqipërisë dhe Kosovës, se kush do të shkonte në USA, atëherë, padyshim, se do të duhet të shkojë Kosova. Sërishmi uroj që të sjkojnë të dyja kombëtaret tona. Dhe mësë shumti uroj që zemrat e lojtarëve të Kosovës ta çojnë vendin në kampionatin botëror të këtij viti.
Kam shumë shpresë dhe jam optimist për këtë!
Zoti i bekoftë së pari kombëtaren e Kosovës dhe të dytën kombëtaren e Shqipërisë!
Burimi: botasot.info
