Bujar Idrizi rikthehet te Llapi pas dy vitesh e gjysmë

Uran Krasniqi/RTKLive

Bujar Idrizi është rikthyer te Llapi pas dy viteve e gjysmë që i kaloi në Gjermani te FC Kosova Dusseldorf.

Kjo është bërë e ditur nga klubi llapjan përmes një njoftimi zyrtar.

“KF Llapi ka kënaqësinë të njoftojë rikthimin e ish-kapitenit Bujar Idrizi në familjen bardhekaltër. Pas dy vite e gjysmë të kaluara tek FC Kosova Düsseldorf, mbrojtësi i qendrës dhe i krahut të djathtë rikthehet në ekipin e zemrës, aty ku vite më parë shkroi histori. Idrizi është ndër futbollistët më të suksesshëm të klubit në vitet e fundit, duke udhëhequr skuadrën drejt dy trofeve të Kupës së Kosovës dhe një Superkupe gjatë edicioneve 2020/21 dhe 2021/22. Pas një periudhe larg shtëpisë, rikthimi i tij sjell jo vetëm cilësi në repartin defansiv, por edhe liderizëm dhe përvojë që do jenë thelbësore në synimin tonë për objektivat e edicionit të ri. Bujari bëri zgjedhjen e zemrës, ndërsa ne urojmë për rikthim të suksesshëm në shtëpi”, ka shkruar skuadra nga Podujeva.