Biznesi, zgjedhja e parë e studentëve/ INSTAT: Një në katër të diplomuar përfundon studimet në biznes

Shumë prej të rinjve shqiptar po  orientohen drejt sipërmarrjes. Rreth ¼ e studentëve vitin e shkuar akademik  sipas Institutit të Statistikave  u diplomuan  për biznes, administrim dhe ligj.

“Ka më shumë hapësira dhe mundësi pune, por mund ta bëjnë dhe ata që duan të nisin një start up apo që duan të nisin një biznes nga e para. Profesioni i ndihmon të arrijnë  qëllimet profesionale dhe financiare.”

Të pëlqyera mbeten dhe degët shëndet dhe mirëqenie të cilat  renditen në vend të dytë për numrin e atyre që kanë përfunduar studimet e larta sipas    INSTAT me rreth   22% e studentëve te diplomuar.

“Trend i kohës për të rinjtë qe janë me mesatare të lartë apo ata që synojnë të marrin profesione të shpejta, me tre vite bachelor, licensohen dhe  integrohen në treg. E kam fjalën për fizioterapinë,  teknikë laboratori…  dhe nevojat  për këto profesione i bën më të kërkuara”.

“Tanimë dhe derivate të këtyre profesioneve po lindin  si infermieri në familje komunitet…

Nga ana tjetër është tregu ndërkombëtar që i tërheq…”

Inxhinieritë tradicionale kanë rënë nga froni I para disa viteve. INSTAT i rendit në vend të tretë me 14% të diplomuarve  në inxhinieri, prodhim dhe ndërtim.    Vështirësitë e programeve të studimit  sipas specialistëve bëjnë që shumë të rinj të mos arrijn t’i çojnë deri në fund degë të tilla. Por arsyet janë dhe të tjera.

“Një inxhiner ndërtimi, nëse dikur bënte dhe projektime tani e bën arkitekti se ka të drejtë license dhe inxhinierit i ka ikur një pjesë e punës..

Po konkurohet dhe teknologjia e informacionit,  po del në pah roli i mbiznesit digjital që ka  njohuri ekonomike,  ndihmon bizneset të organizohen …  tregu  tani për profile TIK tradicional është tejngopur.”

Ndërsa shërbimet, bujqësia,  shkencat natyrore dhe matematika janë programet e studimit  ku interesi I të rinjve referuar të dhënave nga  Instituti I  Statistikave është më I ulët.

Rreth  29 mijë  studentë  u diplomuan në universitetet shqiptare gjatë vitit të shkuar akademik dhe  rreth 65%  e tyre sipas INSTAT  janw  vajza.

Por nëse vajzat janë  ato që kryesojnë në shkollat e larta , djemtë   zgjedhin më tepër arsimin profesional.

“Lidhet me mentalitetitn tonë për pavarësi në gjenerimin e të ardhurave.

Lidhet me hapjen e biznesit që ka të bëjë me një  zanat…  Sot po kërkohen specialistë të riparimit të makinave elektrike.  Shkollat profesionale po adaptojnë kurrikulat ti përgjigjen nevojave te tregut.”

INSTAT thotë se  ata që e përfunduan arsimin e lartë  pësuan rritje me rreth 2.6%  krahasuar vitin paraardhës.  Më shumë se gjysma e tyre kanë studiuar në  institucione publike.