Bie sistemi i regjistrimit të hyrje/daljeve në pikëkalimin kufitar Hani i Elezit-Bllacë, krijohen kolona të gjata

Në pikën e kalimit kufitar Hani i Elezit–Bllacë janë krijuar kolona të gjata si pasojë e një problemi teknik në sistemin e regjistrimit të hyrje/daljeve në Maqedoninë e Veriut.

Sipas njoftimit të Qendrës Kombëtare për Menaxhim Kufitar (QKMK), sistemi i regjistrimit në RMV ka rënë dhe si rezultat është duke u aplikuar kontroll i dyfishtë në kufi.

Postimi:

Ju njoftojmë, se në PPKK Hani i Elezit-Bllacë, sipas njoftimit nga zyrtarët e Policisës së RMV, sistemi i regjistrimit të hyrje/daljeve në RMV ka rënë dhe me këtë rast ka filluar kontrollimi i dyfishtë.Për momentin janë duke u krijuar kolona të gjata për shkak të kësaj situate.

Ju rekomandojmë që të shfrytëzoni PKK Stançiq-Bellanovc apo PKK Glloboqicë. Për çdo ndryshim do t’u njoftojmë me kohë.

Për më shumë informata, kontaktoniQKMK në numrat e mëposhtëm;

045198000, 045198606 dhe pa pagesë 080050095.