Kreu i demokratëve, Sali Berisha ka folur për gazetaren Elda Menga, në “Top Story”, për protestën që PD-ja bëri këtë të hënë përpara Kryeministrisë.
Ai deklaroi se nuk ishte planifikuar të qëndronte në shesh, teksa shtoi se do të vendoset se kur do të jetë protesta e radhës.
Ndër të tjera Berisha deklaroi se grumbullimet e demokratëve do të përshkallëzohen me demonstrata dhe greva.
“Sot ne inauguruam fillimin e një procesi me të cilin ne do të shpëtojmë demokracinë, familjen dhe Shqipërinë. Jo nuk ishte pjesë e projektit qëndrimi në shesh.
Protesta se kur do të jetë do të përcaktohet. Ne jemi në një kthesë përfundimtare që shënon një etapë të re, lëvizje të fuqishme që opozita ka një mision.
Protesta shënon, inauguron, fillimin e përpjekjes më të fuqishme për largimin e Edi Ramës, nuk ndalën më.
Burimi: botasot.info
